Iha tinan 1998, estudante – ativista sira hosi RENETIL halibur malu iha Villa Retreat iha Ciloto, Bogor, Java Oeste, Indonezia. Durante loron hirak, ami tuir formasaun konaba komunikasaun no media hosi kolega jornalista – ativista Indonezia nian. Rezolusaun ida hosi formasaun ne’e mak sei harii media ida ho intensaun atu halo politika RENETIL nian, Indoneziasaun de Konflitu, eh hodi konflitu Indonezia nian iha Timor-Leste ba Rai Boot sira iha Indonezia, kontra disinformasaun hosi media Indonezia nian ne’ebe mak Rejime Soeharto kontrola no atu kontinua habelar luta Timor – Leste ba Ukun Rasik Aan. Atu halo ida ne’e, media ne’e sei la publika klandestinamente, maibe tenki nakloke ba publiku Indonezia iha rejime Soeharto nia ukun.

Husi

Hugo Fernandes Lalenok - Editorial 2020-06-20