KDADALAK MEDIA GROUP

TALITAKUM

ESTATUTU EDITORIAL

TALITAKUM, jornal online ne’ebe bele atualiza oras-ba-oras, asesível iha internet liuhosi enderesu www.talitakum.tl no disponibiliza informasaun jeral independente no pluralista;

TALITAKUM, orgaun informasaun ida ne’ebe independente hosi poder politiku, poder ekonomiku no hosi grupu presaun ruma;

TALITAKUM dezenvolve nia atividade editorial ho liberdade no rigor tomak, ho jornalismu ida ne’ebe iha kualidade no kumpri ho rigor Kode Etika Jornalístika (KEJ) no prinsipiu deontolojika sira jornalismu nian;

TALITAKUM identifika-an ho valor demokrasia pluralista no solidária nian no ho nia defeza intransijente ba direitu sidadaun hotu-hotu ba liberdade imprensa no iiberdade espresaun;

TALITAKUM, iha nia atividade informativa asumi mos dever atu promove valor sosio-kultural povu timor-lorosa’e nian hodi hametin sosiedade ida ne’ebe justa, fraterna no solidaria;

TALITAKUM asume katak dever atu informa tenki haladik-malu direitu sidadaun nian ba nia naran di’ak no imajem di’ak;

TALITAKUM halo distinsaun ida ne’ebe momoos artigu opiniaun sira hosi artigu informativu sira, maibe rezerva nia direitu atu interpreta no halo relasaun ba faktu sira, nafatin ho respeitu ba norma etika no legislasaun sira ne’ebe vigora;

TALITAKUM define nia prioridade informativa sira tuir kriteriu interese publiku nian, ho relevansia no utilidade informasaun nian, no rejeita forma sensura ka limitasaun oinoin hasoru liberdade informasaun;

TALITAKUM defende o pluralismu opiniaun, la ho prejuizu atu bele asumi nia pozisaun rasik;

TALITAKUM kombate forma diskriminasaun oin-oin ho baze iha rasa, ideolojia, opsaun politika, orientasaun seksual, jeneru, relijiaun ka fiar.

TALITAKUM kombate disinformasaun no nutisias falsu (Fake News/ Hoax)

 

Estatuta Editorial ne’e, aprova iha Dili, iha 21 Maiu 2020

 

Asinantes