"HABERAN LIRAS, FUAN SEMO"

Laloran hawelok,
Manu tasi haksolok,
Balada fuik dahur,
Bidu, no tebe-dai.

Ai-horik hananu,
Ho neon, ho fuan,
Ai-knananuk as'uain,
As'uain lia-lo'os hatunur.

Naklekar liras,
Semo lemo-lemo,
Hakat rai ida, hakur tasi no laloran.

Ba tasi leun harohan,
No nia emar siran, hamulak ba,
Mout_naben, iha mata-be'en nia tanis ksolok.

Semo lemorai,
Keta haluha horik fatin,
Be lori ran hakerek Vitoria,
Lori isin, sisa kotu Independensia,
Lori ruin sata, no tane Liberdade,
Lori kosar, be sulin husi fuan, haburas Ukun Rasik A'an.

Liberdade Hedi metin, iha fuan,
Liberdade prega metin, iha neon,
Ho fuan no neon mo'os, no lolo'os, haburas nodi habokur, rai ran fakar fatin,
Rai husar talin, hasubar ba.



Dili, Marsu 2020.
Trolta Zha Hávana.